लोकशाही टिकवण्यासाठी जागरूकतेचा महामार्ग… लोक आंदोलन न्यासाचा संघटन बांधणी दौरा सुरू

14 ऑक्टोबरपासून सोलापूरपासून वाशिमपर्यंतचा दौरा; कल्पनाताई इनामदार, डॉ. कमल टावरी यांची प्रमुख उपस्थिती

राळेगणसिद्धी |

समाजात जनजागृती, लोकशिक्षण आणि संघटनबांधणीचे कार्य करत असलेल्या राष्ट्रीय लोक आंदोलन न्यासाच्या वतीने एक महत्त्वपूर्ण दौऱ्याचे आयोजन दिनांक 14 ऑक्टोबर 2025 पासून करण्यात आले आहे. महाराष्ट्राच्या सहा जिल्ह्यांमध्ये हा दौरा पार पडणार असून, लोकशाही प्रक्रियेत नागरिकांचा सक्रिय सहभाग वाढावा, या उद्देशाने ही मोहिम राबवली जात आहे.

या दौऱ्यात राष्ट्रीय लोक आंदोलन न्यासाच्या कार्याध्यक्षा  कल्पनाताई इनामदार, उपाध्यक्ष डॉ. कमल टावरी (माजी IAS व माजी सचिव, भारत सरकार), खजिनदार दत्ता आवारी, विश्वस्त सुखदेवसिंह विक्र, विश्वस्त दगडू मापारी सर, तसेच कार्यालयीन व्यवस्थापक अन्सार शेख यांची प्रमुख उपस्थिती असणार आहे.

---

🗓️ दौऱ्याचा तपशील पुढीलप्रमाणेः

• 14 ऑक्टोबर 2025 – सकाळी 11.00 वा.
  स्थळ: शासकीय विश्रामगृह, सोलापूर
  (रात्रीचा मुक्काम – धाराशीव)

• 15 ऑक्टोबर 2025 – सकाळी 11.00 वा.
  स्थळ: शासकीय विश्रामगृह, धाराशीव
  (रात्रीचा मुक्काम – लातूर)

• 16 ऑक्टोबर 2025 – सकाळी 11.00 वा.
  स्थळ: शासकीय विश्रामगृह, लातूर
  (रात्रीचा मुक्काम – नांदेड)

• 17 ऑक्टोबर 2025 – सकाळी 11.00 वा.
  स्थळ: शासकीय विश्रामगृह, नांदेड
  (रात्रीचा मुक्काम – हिंगोली)

• 18 ऑक्टोबर 2025 – सकाळी 10.00 वा.
  स्थळ: शासकीय विश्रामगृह, हिंगोली
  व
  दुपारी 3.00 वा. – वाशिम शासकीय विश्रामगृह

---

🧭 जिल्हा व तालुका पातळीवरील सर्व पदाधिकाऱ्यांची उपस्थिती अनिवार्य

या दौऱ्याच्या अनुषंगाने, संबंधित जिल्ह्यांतील राष्ट्रीय लोक आंदोलन न्यासाचे सर्व जिल्हाध्यक्ष, शहराध्यक्ष, तालुकाध्यक्ष आणि कार्यकारिणी सदस्यांनी अनिवार्यपणे उपस्थित राहावे, असे आवाहन करण्यात आले आहे.
या बैठकीत संघटन मजबूत करणे, विविध सामाजिक प्रश्नांवर लोकजागृती करणे, आगामी उपक्रमांची आखणी करणे व नव्या कार्यकर्त्यांचे मार्गदर्शन करणे हे उद्दिष्ट राहणार आहे.

राष्ट्रीय लोक आंदोलन न्यास चे वाशिम जिल्हा अध्यक्ष सुधाकर चौधरी

---

🙏 अण्णा हजारे यांच्या नेतृत्वाखाली लोकजागृतीचा वसा

लोक आंदोलन न्यासाचे अध्यक्ष पद्मभूषण अण्णा हजारे यांच्या प्रेरणेतून चालणाऱ्या या संघटनेने आजवर जनहितासाठी विविध आंदोलने, उपोषणे व जनजागृती मोहिमा राबवल्या आहेत. या दौऱ्याच्या माध्यमातून नव्या दमाच्या कार्यकर्त्यांना एकत्र आणून, विचारांचा ठोस पाया घालण्याचे काम करण्यात येणार आहे.